Ísland í dag - Regína Ósk og Svenni Þór með ódýrt heimasmíðað útisána á pallinum
Tónlistarhjónin Regína Ósk og Svenni Þór eru gríðarlega fjölhæf. Þau eru ekki bara meðal vinsælustu tónlistarmanna landsins, heldur eru þau nýkrýndir Íslandsmeistarar í dansi og nú hafa þau sjálf smíðað snilldar ódýrt útisána á pallinum hjá sér, sett upp lítinn kaldan pott og gert upp baðherbergi og fleira skemmtilegt. Og svo eru þau á fullu í tónlistinni bæði að gefa út efni við miklar vinsældir og þau koma einnig fram bæði hér heima og erlendis. Vala Matt fór fyrir Ísland í dag og heimsótti þau hjónin í fallegt hús þeirra í Kópavogi.
