Þriggja daga þjóðarsorg á Spáni
Stéttarfélag lestarstjóra á Spáni varaði í ágúst við bágu ástandi lestarteinanna á kafla þar sem eitt mannskæðasta lestarslys Evrópu í áratugi varð í gær. Þrjátíu og níu létust. Fréttastofa Reuters hefur bréfið undir höndum. Þar segir að á umræddum kafla væru holur og ójafnvægi í raflínum sem yllu tíðum bilunum og skemmdum á lestum. Hraðlestin fór út af sporinu þar sem hún var í grennd við borgina Cordoba á leið til Madríd. Farþegavagnar lentu á teinunum við hliðina og þar skall önnur lest, sem kom úr gangstæðri átt, á vögnunum. Á annað hundrað eru slasaðir og þar af tólf alvarlega sem liggja á gjörgæslu. Forsætisráðherra Spánar hefur lýst yfir þriggja daga þjóðarsorg.
