Fréttamaður

Auður Ösp Guðmundsdóttir

Auður Ösp er fréttamaður á fréttastofu Sýnar.

Nýjustu greinar eftir höfund

Fann ástina á Tinder og endaði í Texas

Þegar Eydís Helga Gunnarsdóttir rakst á bandarískan hermann sem hafði „lækað“ hana á Tinder gerði hún ekki ráð fyrir miklu, í mesta lagi einum aukafylgjanda á Instagram. Raunin varð þó önnur. Á þessum tíma var hún einhleyp stelpa í Mosfellsbæ sem sinnti tveimur vinnum og var í krefjandi háskólanámi. Í dag, fjórum árum seinna, er hún orðin gift húsmóðir í Texas. Eitt „læk“, sem hún næstum því hunsaði, átti sem sagt eftir að breyta öllu.

Stóð uppi sem ó­frísk ekkja 29 ára gömul

„Ef ég ætti að senda einhver skilaboð til fólks þá myndi ég segja þetta: „Lífið er ekki búið þó að þú verðir fyrir áfalli,“ segir Katrín Auðbjörg Aðalsteinsdóttir. Hún var 29 ára gömul þegar eiginmaður hennar, Halldór Nilsson, féll fyrir eigin hendi, þann 1. nóvember árið 2012. Katrín var þá nýgift, ófrísk að tvíburastúlkum og átti fyrir fjögurra ára gamla dóttur. Framtíðin sem þau hjónin höfðu verið að skipuleggja saman hvarf á augnabliki.

Bréf til ó­kunnugrar stúlku varð upp­hafið að nýju lífi á Ís­landi

Þegar Hlín Christiane Mainka Jóhannesdóttir var unglingur í Þýskalandi skrifaði hún bréf til stúlku á Íslandi sem hún þekkti ekki. Hún var að leita svara um nám á Hólum og drauminn um líf með íslenska hestinum. Á umslaginu stóð aðeins nafn stúlkunnar og „Hólar, Hjaltadalur, Ísland“.Nokkrum vikum síðar barst svar sem átti eftir að hafa afgerandi áhrif á líf Hlínar.

Óttast um fram­tíð dóttur sinnar þegar þau geta ekki lengur hjálpað

Auður Lilja Ámundadóttir keppti á Special Olympics, vann á almennum vinnustað og fór allra sinna ferða með strætó. Eftir flutning til Noregs einangraðist hún félagslega og hrakaði bæði andlega og líkamlega. Foreldrar hennar berjast nú fyrir stuðningsbúsetu og virkniúrræðum hér heima.

Opnaði ættleiðingarskjölin í fyrsta sinn og fann setningu sem breytti öllu

Sigrún Arna Brynjarsdóttir hafði alltaf vitað að hún hefði verið ættleidd frá Indlandi. Hún vissi að hún hefði verið skilin eftir sem nýfætt barn og að hún hefði komið til Íslands sex mánaða gömul. Samt var það allt annað að sjá eigin sögu svart á hvítu þegar hún opnaði ættleiðingargögnin sín í fyrsta sinn, tæplega fjörutíu árum síðar.

Upp­lifði létti þegar mamma dó

„Lífið mitt er auðveldara núna eftir að hún dó. Það er það sorglega í þessu,“ segir Sigríður Inga Svavarsdóttir um andlát móður sinnar í október á síðasta ári. Móðir hennar veiktist alvarlega eftir að eiginmaður hennar lést skyndilega árið 2017. Næstu sjö árin glímdi hún við geðhvörf og fíknivanda, en Sigríður segir fjölskylduna ítrekað hafa reynt að koma henni inn í viðeigandi úrræði án þess að hún fengi nægilega snemmtæka eða samfellda aðstoð.

Fólk undraðist að þær héldu barni frá skjám fyrstu tvö árin

Jasmín Guðrún Abu Libdeh er að ljúka MA-námi í foreldrafræðslu við Háskóla Íslands og er ein fárra hér á landi sem hefur sérhæft sig á þessu sviði. Hún nær jafnframt til tugþúsunda foreldra á samfélagsmiðlum, þar sem hún fjallar um uppeldi, skjánotkun, mörk, bræðisköst, tengsl og samviskubitið sem virðist fylgja foreldrahlutverkinu eins og óumbeðið fylgiskjal.

„Bíddu, þetta er satt. Ég er með átröskun“

„Að sjálfsögðu er ég fylgjandi því að fólk eigi að koma sér í gott form og hugsa um heilsuna sína. En það er eins með það og allt annað; það er allt gott í hófi,“ segir Gabriel Xavier Harasimczuk.

„Sigga okkar“ sem breytir lífi kvenna í fangelsi

„Það er magnað að sjá árangurinn af þessu og líka að sjá hvað svona lítið framlag hefur skilað sér í miklu,“ segir Sigríður Birna Sigvaldadóttir en stjórn höfuðborgardeildar Rauða krossins valdi hana á dögunum sem einn af sjálfboðaliðum ársins. Frá árinu 2024 hefur Sigríður ásamt fleirum staðið að sérstökum konukvöldum í fangelsinu á Hólmsheiði – sem slegið hafa rækilega í gegn. Markmið verkefnisins er að styðja konurnar sem þar afplána dóma, auka virkni þeirra og styrkja félagsleg tengsl.

Sjá meira

Mest lesið