Fréttamaður

Elín Margrét Böðvarsdóttir

Elín Margrét er fréttamaður á fréttastofu Sýnar.

Nýjustu greinar eftir höfund

Sjálfs­af­greiðslu­kassar og aukin sjálf­virkni auki vandann

Árum saman hefur verið mikill skortur á rafvirkjum á Íslandi og enn frekari skortur er yfirvofandi ef ekkert verður að gert. Þetta segir formaður Félags kennara í rafiðngreinum. Helst þyrfti að útskrifa tvöfalt fleiri á ári en nú er gert, þörfin fari vaxandi með aukinni tækniþróun og sjálfvirknivæðingu á meðan fjármagn skorti til að efla iðnmenntun og fjölga í greininni.

Einn leik­skóli inn, annar út og starf­semin á flakki milli húsa

Þrátt fyrir boðaðar úrbætur með Reykjavíkurmódelinu svokallaða í leikskólamálum þarf meira til að leysa úr húsnæðis- og mönnunarvanda að sögn leikskólastjórnenda. Fréttastofa leit við á þremur leikskólum í dag þar sem flutningar standa yfir, ýmist vegna eftirleiks af völdum myglu eða yfirvofandi þakviðgerða. 

Íranski byltingarvörðurinn kominn á hryðjuverkalista ESB og á Ís­landi

Evrópusambandið samþykkti formlega í gær að skilgreina Íranska byltingarvörðinn sem hryðjuverkasamtök. Það þýðir að samtökin eru nú á hryðjuverkalista ESB og munu sæta þvingunaraðgerðum og refsiákvæðum ESB á grundvelli baráttu gegn hryðjuverkastarfsemi sem Ísland tekur einnig þátt í. Boðað hafði verið til mótmæla við utanríkismálaráðuneytið á morgun til að kalla eftir því að íslensk stjórnvöld myndu skilgreina Íranska byltingarvörðinn sem hryðjuverkasamtök.

Ís­lensk Barbí og Ken: „Litaði bara hárið og fór í sprey-tan“

Nemendamótið er jafnan hápunktur skólaársins hjá nemendum í Verzlunarskólanum sem hafa í ár sett upp söngleik sem byggir á sögu eins þekktasta leikfangs í heimi. Verkið sem sló í gegn á hvíta tjaldinu fyrir ekki svo löngu hefur nú verið sett í íslenskan búning þar sem þekkt íslensk dægurlög fá meðal annars að njóta sín.

Lík­legra en áður að nýjar í­búðir seljist undir á­settu verði

Undirboð á fasteignamarkaði hafa aukist og hlutfall nýrra íbúða sem seljast undir auglýstu verði hefur farið vaxandi. Þá dregur úr verðþrýstingi á leigumarkaði þar sem leiguverð hefur í fyrsta sinn í nokkur ár hækkað minna en verðbólga. Húsnæðismarkaðurinn sýnir merki um áframhaldandi kólnun og fleiri íbúðir seljast nú undir auglýstu söluverði að því er nýrri mánaðarskýrslu Húsnæðis- og mannvirkjastofnunar.

Þurfi að út­kljá hver er að mis­skilja hvern

Ekki er útlit fyrir að frumvarp félags- og húsnæðismálaráðherra um tengingu almannatrygginga við launavísitölu verði afgreitt úr þingnefnd fyrr en í fyrsta lagi í byrjun mars. Hart hefur verið tekist á um málið þrátt fyrir að það snúi í meginatriðum um að breyta einu orði. Stjórnarandstaðan segir fjölga í hópi gagnrýnenda.

„Við syst­kinin erum bara vinnandi fólk“

Kona á níræðisaldri með Alzheimer gæti þurft að bíða í allt að fjögur ár eftir að komast á hjúkrunarheimili. Sonur hennar segir sárt að horfa upp á að ekki hafi verið brugðist fyrr við, þrátt fyrir að í mörg ár hafi legið fyrir að þörf væri fyrir fleiri rými.

Vís­bendingar um að þúsund börn á Ís­landi sæki ekki skóla

Vísbendingar eru um að um þúsund börn á Íslandi sæki ekki grunnskóla, þrátt fyrir skólaskyldu. Ekki liggja fyrir nákvæmar upplýsingar um það hversu víðtækt vandamál er um að ræða en margvíslegar ástæður geta verið fyrir því að börn sæki ekki skóla.

„Al­gjör­lega óboðlegt hvernig þetta hefur verið undan­farin ár“

Með nýju Reykjavíkurmódeli í leikskólamálum gætu leikskólagjöld lækkað um nokkur þúsund krónur á mánuði hjá ákveðnum barnafjölskyldum í Reykjavík á meðan aðrir foreldrar gætu þurft að greiða umtalsvert meira. Markmiðið er meðal annars að bæta mönnun, starfsaðstæður og faglegt starf á leikskólum. Oddviti Vinstri grænna segir frekari aðgerðir í farvatninu í leikskólamálum, staðan undanfarin ár hafi verið óboðleg. Formaður Samtaka foreldra leikskólabarna segir vonbrigði að borgaryfirvöld varpi með þessu frekara samviskubiti yfir á foreldra.

Boðar tíma­bundna heimild svo unnt sé að senda er­lenda fanga fyrr úr landi

Drögum að frumvarpi um fullnustu refsinga, sem varðar brottvísun og afplánun erlendra fanga hefur verið dreift í samráðsgátt stjórnvalda. Í drögunum er meðal annars gert ráð fyrir tímabundinni heimild til að veita erlendum föngum, sem ákveðið hefur verið að vísa úr landi að afplánun lokinni, reynslulausn þegar aðeins einn þriðji hluti refsitímans er liðinn. Samkvæmt gildandi lögum þarf helmingi afplánunar að vera lokið til að veita megi reynslulausn, en frumvarpsdrögin gera ráð fyrir að viðkomandi verði vísað úr landi þegar í stað við reynslulausn.

Sjá meira

Mest lesið