Fréttir

Við­varanir á við­varanir ofan

Hringveginum verður lokað undir Eyjafjöllum og alveg að Öræfum frá klukkan fimm í fyrramálið til klukkan níu hið minnsta vegna óveðursins fram undan. Spáð er norðan stórhríð á Vestfjörðum og Norðurlandi og stöku hviðum upp á 40 metra á sekúndu fyrir sunnan.

Veður

Kröfur sem ein­stak­lingum er ómögu­legt að upp­fylla

Kennarar sem sinnt hafa einkakennslu í íslensku fyrir fólk af erlendum uppruna segja það mikið högg að Starfsmenntunarsjóður ætli ekki lengur að endurgreiða félagsmönnum sem sækja einkakennslu. Þá segja þeir að kröfur sem menntamálaráðuneytið setji til að fá vottun sem viðurkenndur fræðsluaðili séu ómögulegar að uppfylla fyrir einstaklinga.

Innlent

Vikan lengdist og aug­lýsinga­hlé urðu tíðari

RÚV ákvað að hafa auglýsingahlé reglulega í Vikunni með Gísla Marteini þegar ljóst varð að lenging þáttarins væri komin til að vera. Útvarpsstjóri segir fleiri tónlistaratriði og áhorfendur í sal meðal ástæðna lengingarinnar. Heimilt er að rjúfa eigin framleiðslu RÚV með auglýsingum þegar þátturinn sjálfur nær klukkutíma.

Innlent

Fjöru­tíu ár fyrir morðið á Tupac

Duane „Keffe D“ Davis, fyrrverandi leiðtogi glæpagengis, hefur verið dæmdur í fjörutíu ára fangelsi fyrir að skipuleggja morðið á rapparanum Tupac Shakur árið 1996. Hann er sá fyrsti sem hlýtur dóm vegna morðsins.

Erlent

Heppin móðir á Suður­landi vann 42 milljónir

Stálheppin móðir á Suðurlandi vann 42 milljónir króna þegar dregið var í Happdrætti Háskólans í dag. Þar sem hún átti bæði trompmiða og einfaldan miða með sama vinningsnúmeri fékk hún sexfalda vinningsupphæð.

Innlent

Hvetur verka­lýðs­hreyfinguna til sam­stöðu

Kristrún Frostadóttir forsætisráðherra hvetur verkalýðshreyfinguna til samstöðu og segir að formaður VR og formaður Eflingar hafi báðar rétt fyrir sér. Skeytasendingar hafa farið á milli formannanna í fjölmiðlum eftir að samningar sigldu í höfn í lok síðustu viku.

Innlent

Að­gerð páfa gekk vel

Aðgerð Leós páfa til að fjarlægja hnút í lunga gekk vel, að sögn Páfagarðs. Páfi er kominn aftur á sjúkrastofu sína en öllum verkefnum hans hefur verið frestað fram til 20. október meðan hann jafnar sig.

Erlent

Skuldar ekkert

Sjálfstæðisflokkurinn er skuldlaus. Forvarsmenn flokksins greiddu upp skuldir samhliða sölu á Valhöll.

Innlent

Fór úr bílnum og hljóp undan lög­reglu

Lögregla gaf ökumanni fyrirmæli um að stöðva akstur með forgangsljósum í umdæmi lögreglustöðvar tvö sem sinnir verkefnum í Hafnarfirði, Garðabæ og á Álftanesi. Þau virti hann ekki, stöðvaði þó síðar bílinn en hljóp þá af stað undan lögreglu.

Innlent

Enn versnar spáin með nýjum við­vörunum

Enn versnar spáin fyrir morgundaginn og mun Veðurstofan gefa út appelsínugular viðvaranir fyrir Suðurland og Breiðafjörð til viðbótar við þær sem gefnar hafa verið út fyrir Vestfirði og Norðurland vestra.

Innlent

Air Atlanta vinnur á­hættu­mat vegna á­rása Húta

Air Atlanta hefur dregið gríðarlega úr umsvifum sínum í Sádíu-Arabíu undanfarna mánuði að sögn framkvæmdastjóra vegna átaka í Mið-Austurlöndum. Hann segir félagið fylgjast grannt með stöðunni í landinu eftir mannskæðar eldflaugaárásir Húta sem beinst hafa gegn flugvöllum í landinu.

Innlent

Bar­áttan um varaforsetana: Valdabrölt eða sam­særis­kenningar?

Formaður Eflingar segir það blákalda og augljósa staðreynd að formaður VR reyni að sölsa undir sig ASÍ með tillögu sinni um fækkun varaforseta. Formaður VR segir um að ræða samsæriskenningar, núverandi fyrirkomulag sé ólýðræðislegt. Útlit er fyrir spennandi landsþing ASÍ. 

Innlent

Sendi­herrann beðinn um að segja af sér

Kimberly Guilfoyle, sendiherra Bandaríkjanna gagnvart Grikklandi, hefur verið beðin um að segja af sér. Hún hefur staðið í ströngu undanfarna daga vegna ásakana um að hún hafi staðið í ósiðlegu og jafnvel ólöglegu athæfi skömmu áður en hún var staðfest í stöðuna af öldungadeild Bandaríkjaþings.

Erlent

Salmonella greindist í kryddi Kokku

Matvælastofnun varar við neyslu á Timur berry kryddi frá Lifa ehf. sem er selt í Kokka þar sem Salmonella greindist í kryddinu. Fyrirtækið hefur, í samráði við Heilbrigðiseftirlit Reykjavíkur, innkallað vöruna.

Innlent

Frum­varp um Ríkisút­varp gagn­rýnt harð­lega í samráðs­gátt

Samráði vegna frumvarps menningar-, nýsköpunar- og háskólaráðuneytisins um Ríkisútvarpið er lokið. Fjórar umsagnir birtust og má þar finna harða gagnrýni á frumvarpsdrögin. Ekki er talið að þar sé nóg að gert til að stemma stigu við fyrirferð Ríkisútvarpsins á markaði og lagt er til að Ríkisútvarpið verði tekið alfarið af auglýsingamarkaði.

Innlent

Vilja borga fyrir eftir­lit með au pair

Áttatíu og sjö foreldrar segjast reiðubúnir að greiða gjald til að fjármagna eftirlit með au pair á Íslandi. Þau mótmæla fyrirhuguðu afnámi dvalarleyfa vegna vistráðningar og segja stjórnvöld eiga að styrkja vernd vistráðinna og framfylgja eftirliti sem hefur verið lögbundið frá árinu 2023.

Innlent

Pawel tekur við af Sig­mari sem þing­flokks­for­maður

Pawel Bartoszek hefur verið kosinn nýr formaður þingflokks Viðreisnar. Hann tekur við af Sigmari Guðmundssyni þingmanni sem samkvæmt tilkynningu flokksins snýr fljótlega aftur úr veikindaleyfi en hefur óskað eftir því að taka að sér önnur verkefni á þingi.

Innlent

Þing­maðurinn hefði mögu­lega ekki átt að taka Íbúfen

„Það þarf að meta hvert tilfelli fyrir sig og það er ekki gert í matvöruverslunum. Einstaklingur sem leitar sér þjónustu þar sem lyf eru seld þarf að geta leitað til lyfjafræðings og fengið ráðgjöf. Maður hefur áhyggjur af því, maður hefur verulegar áhyggjur af því.“

Innlent

Leita öku­manns sem ók á dreng á reið­hjóli

Lögreglan á höfuðborgarsvæðinu leitar ökumanns bíls sem ók á dreng á reiðhjóli í Mosfellsbæ í gærkvöldi um kvöldmatarleytið með þeim afleiðingum að drengurinn slasaðist og skemmdir urðu á hjólinu. Ökumaðurinn er sagður hafa ekið rakleiðis af vettvangi án þess að hafa skeytt um drenginn eða líðan hans.

Innlent

„Þeir sam­þykktu, af því að ég segi að þeir sam­þykktu“

Donald Trump staðhæfði í gær að Vladimír Pútín og Vólódímír Selenskí hefðu samþykkt orkuinnviðavopnahlé, af því að hann hefði sagt að þeir ættu að samþykkja það. Þá hélt forsetinn því fram að það væri Selenskí en ekki Pútín sem stæði í vegi friðar, eins og hann hefur ítrekað gert áður.

Erlent

Mögu­legar raf­magns­truflanir í stór­hríðinni

Lægðin sem fer yfir landið á morgun hefur alla burði til þess að verða söguleg, að mati veðurfræðings. Icelandair hefur boðið farþegum í innanlandsflugi að breyta bókunum sínum. Líkur eru á rafmagnstruflunum á Vestfjörðum en áhrifin verða ekki mikil á höfuðborgarsvæðinu ef spá gengur eftir.

Innlent

Lægðin hefur alla burði til að verða sögu­leg

Lægðin sem fer yfir landið á morgun hefur alla burði til þess að verða söguleg, að mati veðurfræðings. Icelandair hefur boðið farþegum í innanlandsflugi að breyta bókunum sínum. Líkur eru á rafmagnstruflunum á Vestfjörðum en áhrifin verða ekki mikil á höfuðborgarsvæðinu ef spá gengur eftir. Farið verður ítarlega yfir veðurhvellinn sem von er á, á morgun í hádegisfréttum Bylgjunnar.

Innlent

Fjöldi hafi sagt upp og fleiri í­hugi stöðu sína

Stjórn Félags sjúkraþjálfara, FS, áætlar að sjúkraþjálfurum við Reykjalund gæti fækkað um helming í upphafi næsta árs miðað við það sem var fyrir rúmu ári. Þá hafi verið um 24 sjúkraþjálfarar starfandi á stofnuninni en vegna uppsagna verði þeir líklega ekki nema um þrettán í upphafi næsta árs. Stjórn félagsins segir þetta þegar hafa leitt til aukins álags, óöryggis í starfsumhverfi og brotthvarfs mikilvægrar sérfræðiþekkingar.

Innlent

Mest lesið