Innlent

Dró sér fé sem gjald­keri fram­boðsins

Rödd unga fólksins hefur upplýst um fjárdráttarmál innan flokksins sem upp kom snemma á síðasta ári. Grunur hafi þá vaknað um að Sævar Þór Birgisson, þáverandi bæjarfulltrúi og gjaldkeri flokksins, hafi dregið til sín töluverða fjármuni og málið kært til lögreglu. Rödd unga fólksins hefur átt fulltrúa í sveitarstjórn Grindavíkur síðastliðin tvö kjörtímabil.

Innlent

Reyndist fangi undir raf­rænu eftir­liti

Lögreglan handtók ökumann miðsvæðis í Reykjavík grunaðan um að keyra undir áhrifum fíkniefna. Maðurinn reyndi að skipta um sæti við mann í farþegasætinu í miðjum akstri eftir að lögregla varð þeirra vör. 

Innlent

Segir ekkert eiga að koma í veg fyrir að Airbus noti Reykja­vík

Framkvæmdastjóri Isavia Innanlandsflugvalla, Sigrún Björk Jakobsdóttir, telur Reykjavíkurflugvöll hæfan til að taka á móti Airbus-þotum og segir burðarþol flugvallarins nægilegt til að taka við þeim. Hún segir það mat Isavia innanlands að ekkert í regluverkinu eigi að koma í veg fyrir notkun Airbus-véla Icelandair á Reykjavíkurflugvelli til vara.

Innlent

Pálmi fékk kröfum Bríetar vísað frá að mestu

Kröfum tónlistarkonunnar Bríetar Ísis Elfar á hendur þrotabúi Roks records, upp á tæpar átta milljónir króna, hefur verið vísað frá dómi vegna mikilla annmarka á kröfugerð. Pálmi Ragnar Ásgeirsson var eini eigandi Roks records og fór fram á frávísun málsins. Þrotabúið sjálft gerði ekki kröfu um frávísun en tók þó undir málatilbúnað Pálma Ragnars. Öðru máli þeirra á milli var þó ekki vísað frá.

Innlent

Mót­mæli við Austur­völl

Um 150 manns eru samankomin á Austurvelli til að mótmæla frumvarpi dómsmálaráðherra um fyrirhugaða brottfararstöð sem fer í þriðju umræðu á Alþingi á morgun, föstudag.

Innlent

Hátt á þriðju milljón á mánuði

Berglind Ósk Guðmundsdóttir nýr bæjarstjóri hefur gert ráðningarsamning við Akureyrarbæ. Föst dagvinnulaun eru rúmlega 1,8 milljónir króna en við það bætist 45% stjórnendaálag. Alls nema launin rúmum 2,6 milljónum króna.

Innlent

Án öku­réttinda og ó­hæfur til aksturs þegar bana­slysið varð

Karlmaður á áttræðisaldri sem lést í bílslysi á gatnamótum Sundagarða og Vatnagarða í september í fyrra var án ökuréttinda og hafði verið metinn óhæfur til aksturs vegna heilsufars. Maðurinn var auk þess ekki í belti þegar slysið varð og telur Rannsóknarnefnd samgönguslysa að bílnum hafi sennilega verið ekið yfir leyfðum hámarkshraða.

Innlent

Livio skylt að greiða Ingunni 25 milljónir

Landsréttur hefur dæmt frjósemismiðstöðina Livio til þess að greiða fyrrverandi starfsmanni sínum tuttugu og fimm milljónir króna í skaðabætur. Ingunn Jónsdóttir stefndi Livio fyrir að hafa sagt henni upp störfum á ólögmætan hátt.

Innlent

Mót­mælendur í Skuggasundi fá ekki krónu

Landsréttur hefur staðfest dóm héraðsdóms um sýknu íslenska ríkisins af öllum kröfum níu mótmælenda, sem töldu lögreglu hafa beitt þá óþarfa hörku á vettvangi mótmæla í Skuggasundi árið 2024.

Innlent

Sættust um bikbreiðuna

Fulltrúar Heilbrigðiseftirlitsins og Malbikunarstöðvarinnar Höfða náðu sátt um hvað skyldi gera við stóra bikbreiðu á svæði sem var áður starfssvæði stöðvarinnar. Til stóð að endurnýta efnið en því verður fargað.

Innlent

Mót­mæla fyrir­hugaðri brottfararstöð

Samtökin No Borders kalla til mótmælafundar á Austurvelli klukkan þrjú í dag gegn frumvarpi dómsmálaráðherra um fyrirhugaða brottfararstöð sem fer í þriðju umræðu á Alþingi á morgun, föstudag. 

Innlent

„Auð­vitað stendur valda­klíkan saman“

Margrét Friðriksdóttir, sem var í morgun sakfelld fyrir meiðyrði í garð Barböru Björnsdóttur héraðsdómara, segir niðurstöðuna ekki hafa komið sér á óvart. „Auðvitað stendur valdaklíkan saman það er gömul saga og ný á Íslandi, en þessum óréttláta dómi verður að sjálfsögðu áfrýjað,“ segir hún.

Innlent

„Ég á von á því að Guð­rún Haf­steins­dóttir taki á þessu“

Áslaug Arna Sigurbjörnsdóttir á rétt á tæpum tíu milljónum króna í biðlaun eftir að hún sagði af sér þingmennsku. Hún segir óvíst um næstu skref hjá sér en að hún muni ekki taka við neinum greiðslum sem ekki fara eftir þeim reglum sem gilda um biðlaun. Stjórnsýslufræðingur segir Áslaugu á gráu svæði. Þá sýni Vilhjálmur Árnason kjósendum virðingarleysi með því að sitja á þingi og gegna stöðu bæjarstjóra á sama tíma. 

Innlent

Hættir halal-slátrun eftir hringingar og haturspósta

Forstjóri SS - Sláturfélags Suðurlands segir minni framleiðslu og meiri eftirspurn innanlands vera helstu ástæðu þess að tekin hafi verið ákvörðun um að hætta svokallaðri halal-slátrun. Sláturfélaginu hafi auk þess borist hringingar og haturspóstar vegna aðferðarinnar vegna misskilnings um aðferðina.

Innlent

Hefja söfnun fyrir fjöl­skyldu Ingu Daggar

Söfnun fyrir fjölskyldu Ingu Daggar sem lést í kajakslysi í lok apríl hefur verið hrundið af stað og einnig hefur verið búin til styrktarsíða á Facebook. Hún var aðeins 44 ára gömul þegar hún lést og skilur eftir sig eiginmann og tvo unga syni.

Innlent

Mátti ekki kalla dómarann „lausláta mellu“

Margrét Friðriksdóttir hefur verið dæmd til að greiða 200 þúsund króna sekt í ríkissjóð vegna ummæla hennar um Barböru Björnsdóttur héraðsdómara. Þess var ekki krafist að ummælin yrðu dæmd dauð og ómerk og þau standa því. Margrét kallaði Barböru meðal annars „lausláta mellu“.

Innlent

Á­nægja með Höllu eykst

Rúmur helmingur þjóðarinnar er ánægður með störf Höllu Tómasdóttur, forseta Íslands. Ánægjan með störf hennar hefur aukist það sem af er ári.

Innlent

Mest lesið