Íslensk börn of þung

Frumniðurstöður rannsóknarinnar Lífstíll 2003 sýna að tæp tuttugu prósent níu og fimmtán ára barna á Íslandi eru of feit eða of þung. Dr. Þórarinn Sveinsson, dósent við Háskóla Íslands, kynnti þessa rannsókn á opnunarviðburði Evrópuársins sem fór fram í Grasagarðinum í Laugardal fyrir stuttu. Rannsóknin er þverfaglegt samstarfsverkefni fræðimanna frá Kennaraháskóla Íslands, Háskóla Íslands og á Íslandi. 939 forráðamenn gáfu samþykki fyrir þátttöku barna sinni og þátttökuhlutfallið var rétt rúmlega sjötíu prósent. Niðurstöður rannsóknarinnar benda einnig til að þykkt húðfellinga íslenskra barna sé tuttugu til þrjátíu prósent meiri en í nágrannalöndum okkar. Hins vegar er þrek íslensku barnanna fimm til fimmtán prósent meira. Þorgerður Katrín Gunnarsdóttir menntamálaráðherra opnaði Evrópuárið á Íslandi með formlegum hætti. Meginmarkmið Evrópuársins er að vekja athygli Evrópubúa á mikilvægi íþrótta innan menntunar og auka mikilvægi líkamlegrar athafna í námskrám skóla. Alls taka 28 Evrópuþjóðir þátt í Evrópuárinu að þessu sinni.