Ódýrustu vörurnar af hverri tegund

Verðkönnunin fór þannig fram að 10 starfsmenn fóru samtímis í 10 verslanir með innkaupalista. Hver og einn bað um verslunarstjóra eða fulltrúa hans þegar hann kom í viðkomandi verslun, gerði grein fyrir erindi sínu og fékk aðstoð hans eða annars starfsmanns til að finna ódýrustu vörurnar á listanum. Síðan voru vörurnar teknar rakleiðis að kassa, skannaðar inn og starfsmanni blaðsins afhentur strimillinn. Ekki er gerður samanburður á gæðum þeirra vara sem keyptar voru né þjónustustigi verslananna og blaðið getur ekki ábyrgst að starfsmenn búðanna hafi ætíð gætt þess að velja ódýrustu vöruna. Þess ber og að geta að fjölmargar aðrar verslanir á höfuðbogarsvæðinu bjóða skólavörur í miklu úrvali og eflaust á góðu verði.