Ekkert verkfall hjá krökkunum 11. október 2004 00:01 Tugþúsundir grunnskólanema bíða eftir að kennarar þeirra semji við sveitarfélögin þannig að þau geti komist aftur í skólann. Verkfallið hefur skapað býsna stórt tómarúm í daglegu lífi þessa hóps og því viðbúið að krakkarnir reyni að fylla það rúm með einhverjum hætti. Starfsmenn sundlauga, bókasafna og myndbandaleiga hafa haft í nógu að snúast við að sinna smáfólkinu undanfarnar þrjár vikur. Flestir foreldrar vonast eflaust til að börnin þeirra reyni að blanda saman andlegri og líkamlegri þjálfun eins og frekast er kostur. Það er því gleðiefni að börn og unglingar virðast sækja bæði sundlaugar og bókasöfn á meðan verkfallinu stendur. Tinna Óðinsdóttir, starfsmaður í Árbæjarlaug, segir að aðsókn barna á grunnskólaaldri að laugunum hafi aukist talsvert eftir að verkfallið skall á. Framan af degi eru yngri börnin meira áberandi en þegar líða tekur á fara unglingarnir á fætur og leggja undir sig potta og vaðlaugar staðarins. Að sögn Tinnu eru krakkarnir nánast undantekningalaust skemmtilegir og kurteisir. Þorbjörg Karlsdóttir, bókavörður á Borgarbókasafninu í Tryggvagötu, tekur í svipaðan streng. Hún segir að fyrir verkfallið hafi grunnskólanemar helst látið sjá sig síðdegis en nú koma þeir nokkuð jafnt yfir daginn og eyða þá talsverðum tíma á safninu. Margir vafra um á netinu eða leika sér í leikjatölvum sem þarna er að finna og auðvitað lesa krakkarnir eitthvað á meðan veru þeirra á safninu stendur. Þótt engar tölur í þessum efnum liggi fyrir þá er það tilfinning Þorgerðar að útlán hafi aukist nokkuð síðustu vikur.. Rétt eins og börnin sem sækja sundlaugarnar þá eru krakkarnir sem koma í Borgarbókasafnið "ofboðslega stillt og prúð og skemmtileg, " eins og Þorbjörg kemst að orði. Vafalaust kemur það fáum á óvart að leikjatölvur og myndbandstæki eru í mikilli notkun á mörgum heimilum þessa dagana. Óskar Guðmundsson, í Snæland videó á Ægisíðu í Reykjavík, segir að útleiga hafi aukist en það sem helst er áberandi er hvernig viðskiptin dreifast nú yfir allan daginn. "Krakkarnir eru stundum komnir á leiguna um ellefuleytið að morgni að skila spólunum sem þau tóku rétt fyrir miðnætti kvöldið áður og endurnýja þá oft skammtinn með því að ná sér í 2-3 spólur," segir Óskar. Unglingar eru sérstaklega röskir í glápinu að mati Óskar og reiknar hann með að margir þeirra sitji rauðeygir fyrir framan skjáinn langt fram eftir nóttu. Gos- og sælgætiskaup ungmennanna eru hins vegar furðu lítil. Tölvuleikir renna nú út eins og heitar lummur að sögn Egils Ólafssonar, starfsmanns BT í Reykjavík. Hann segir að skólabörn komi talsvert í búðirnar og leiki sér í tölvunum dágóða stund og við því amast starfsfólkið ekki vitund enda eru krakkarnir upp til hópa bestu skinn. Keiluspil eru sömuleiðis vinsæl en að sögn starfsfólks Keiluhallarinnar í Öskjuhlíð fyllist staðurinn af krökkum á grunnskólaaldri fljótlega eftir opnun á morgnana. Mest er um yngri börn sem oftast eru á vegum foreldrafélaga fyrirtækja en unglingar eru líka duglegir að sækja staðinn. Síðan eru alltaf einhverjir sem nota verkfallið til að gera eitthvað spennandi. Í gömlu Hraðfrystistöðinni við Mýrargötu hefst við dágóður hópur 10. bekkinga úr Hagaskóla sem æfir myrkrana á milli fyrir hæfileikakeppnina Skrekk. Yfirleitt hefjast æfingar að morgni og standa fram á kvöld en þó fer æði mikill tími í spjall og glens að sögn krakkanna. Flest vonast þau til að skólinn hefjist á ný sem fyrst því mikið verk er framundan vegna samræmdu prófanna næsta vor. Þau segja að flestir jafnaldrar þeirra reyni að taka sér eitthvað fyrir hendur á daginn í stað þess að mæla göturnar en þó eru dæmi um unglinga sem leiðst hafa út í óreglu. Fréttir Innlent Kennaraverkfall Mest lesið Skiljanlegt að málið veki upp miklar og erfiðar tilfinningar Innlent Fjöldi herskipa við Reykjavíkurhöfn Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Hátt settur herforingi fórst í bílsprengju nærri Moskvu Erlent Mislingar á mörkum þess að verða landlægir í Bandaríkjunum aftur Erlent Árásarmaðurinn sagður aðhyllast hugmyndir Hitler Erlent Neituðu sök en viðurkenna nú að hafa drepið hjálparstarfsmann Erlent Meintir hópnauðgarar á bannlista skemmtistaðar Innlent Uppgötvun íslenskra vísindamanna gæti bætt viðbrögð við náttúruvá Innlent Fleiri fréttir Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Sjá meira
Tugþúsundir grunnskólanema bíða eftir að kennarar þeirra semji við sveitarfélögin þannig að þau geti komist aftur í skólann. Verkfallið hefur skapað býsna stórt tómarúm í daglegu lífi þessa hóps og því viðbúið að krakkarnir reyni að fylla það rúm með einhverjum hætti. Starfsmenn sundlauga, bókasafna og myndbandaleiga hafa haft í nógu að snúast við að sinna smáfólkinu undanfarnar þrjár vikur. Flestir foreldrar vonast eflaust til að börnin þeirra reyni að blanda saman andlegri og líkamlegri þjálfun eins og frekast er kostur. Það er því gleðiefni að börn og unglingar virðast sækja bæði sundlaugar og bókasöfn á meðan verkfallinu stendur. Tinna Óðinsdóttir, starfsmaður í Árbæjarlaug, segir að aðsókn barna á grunnskólaaldri að laugunum hafi aukist talsvert eftir að verkfallið skall á. Framan af degi eru yngri börnin meira áberandi en þegar líða tekur á fara unglingarnir á fætur og leggja undir sig potta og vaðlaugar staðarins. Að sögn Tinnu eru krakkarnir nánast undantekningalaust skemmtilegir og kurteisir. Þorbjörg Karlsdóttir, bókavörður á Borgarbókasafninu í Tryggvagötu, tekur í svipaðan streng. Hún segir að fyrir verkfallið hafi grunnskólanemar helst látið sjá sig síðdegis en nú koma þeir nokkuð jafnt yfir daginn og eyða þá talsverðum tíma á safninu. Margir vafra um á netinu eða leika sér í leikjatölvum sem þarna er að finna og auðvitað lesa krakkarnir eitthvað á meðan veru þeirra á safninu stendur. Þótt engar tölur í þessum efnum liggi fyrir þá er það tilfinning Þorgerðar að útlán hafi aukist nokkuð síðustu vikur.. Rétt eins og börnin sem sækja sundlaugarnar þá eru krakkarnir sem koma í Borgarbókasafnið "ofboðslega stillt og prúð og skemmtileg, " eins og Þorbjörg kemst að orði. Vafalaust kemur það fáum á óvart að leikjatölvur og myndbandstæki eru í mikilli notkun á mörgum heimilum þessa dagana. Óskar Guðmundsson, í Snæland videó á Ægisíðu í Reykjavík, segir að útleiga hafi aukist en það sem helst er áberandi er hvernig viðskiptin dreifast nú yfir allan daginn. "Krakkarnir eru stundum komnir á leiguna um ellefuleytið að morgni að skila spólunum sem þau tóku rétt fyrir miðnætti kvöldið áður og endurnýja þá oft skammtinn með því að ná sér í 2-3 spólur," segir Óskar. Unglingar eru sérstaklega röskir í glápinu að mati Óskar og reiknar hann með að margir þeirra sitji rauðeygir fyrir framan skjáinn langt fram eftir nóttu. Gos- og sælgætiskaup ungmennanna eru hins vegar furðu lítil. Tölvuleikir renna nú út eins og heitar lummur að sögn Egils Ólafssonar, starfsmanns BT í Reykjavík. Hann segir að skólabörn komi talsvert í búðirnar og leiki sér í tölvunum dágóða stund og við því amast starfsfólkið ekki vitund enda eru krakkarnir upp til hópa bestu skinn. Keiluspil eru sömuleiðis vinsæl en að sögn starfsfólks Keiluhallarinnar í Öskjuhlíð fyllist staðurinn af krökkum á grunnskólaaldri fljótlega eftir opnun á morgnana. Mest er um yngri börn sem oftast eru á vegum foreldrafélaga fyrirtækja en unglingar eru líka duglegir að sækja staðinn. Síðan eru alltaf einhverjir sem nota verkfallið til að gera eitthvað spennandi. Í gömlu Hraðfrystistöðinni við Mýrargötu hefst við dágóður hópur 10. bekkinga úr Hagaskóla sem æfir myrkrana á milli fyrir hæfileikakeppnina Skrekk. Yfirleitt hefjast æfingar að morgni og standa fram á kvöld en þó fer æði mikill tími í spjall og glens að sögn krakkanna. Flest vonast þau til að skólinn hefjist á ný sem fyrst því mikið verk er framundan vegna samræmdu prófanna næsta vor. Þau segja að flestir jafnaldrar þeirra reyni að taka sér eitthvað fyrir hendur á daginn í stað þess að mæla göturnar en þó eru dæmi um unglinga sem leiðst hafa út í óreglu.
Fréttir Innlent Kennaraverkfall Mest lesið Skiljanlegt að málið veki upp miklar og erfiðar tilfinningar Innlent Fjöldi herskipa við Reykjavíkurhöfn Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Hátt settur herforingi fórst í bílsprengju nærri Moskvu Erlent Mislingar á mörkum þess að verða landlægir í Bandaríkjunum aftur Erlent Árásarmaðurinn sagður aðhyllast hugmyndir Hitler Erlent Neituðu sök en viðurkenna nú að hafa drepið hjálparstarfsmann Erlent Meintir hópnauðgarar á bannlista skemmtistaðar Innlent Uppgötvun íslenskra vísindamanna gæti bætt viðbrögð við náttúruvá Innlent Fleiri fréttir Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Sjá meira