Hnetur til varnar gallsteinum

Samkvæmt niðurstöðum kannana frá Harvard School of Public Health kemur í ljós að 30 grömm af jarðhnetum eða öðrum hnetum á dag (160 kalóríur í hvert skipti), fimm sinnum eða oftar í viku, minnka hættu á gallsteinum um 25%. Ein matskeið af hnetusmjöri jafn oft í viku minnkar líkurnar um 15%. Þá kemur einnig fram í niðurstöðunum að hnetur minnka líkur á hjartasjúkdómum og sykursýki 2. Þessar niðurstöður eru birtar í aprílhefti tímaritsins American Journal of Clinical Nutrition. Í könnuninni kemur einnig fram að þær konur sem borðuðu hnetur eða hnetusmjör daglega voru ekki með meiri fitumassa en hinar. Prófessor Frank Hu, sem stjórnaði rannsóknunum, segir að konur sem borða hnetur daglega séu almennt léttari. Hnetur í réttu magni eru því álitlegur heilsukostur milli mála.