Vioxx endurgreitt

Gigtarlyfið Vioxx hefur verið tekið af markaði eftir að rannsóknir bentu til að inntaka þess hefði óæskileg áhrif á hjarta-og æðakerfið. Þetta var gert að frumkvæði framleiðandans Merck Sharp & Dohme, Incorporated sem ákveðið hefur að endurgreiða lyfið. Því er þeim sem eiga afgang af lyfinu bent á að koma með það í apótek sem það var afgreitt úr og hafa kvittun eða umbúðir lyfsins meðferðis. Þetta gildir þó aðeins um þær töflur sem nýlega hefur verið skrifað upp á en ekki birgðir frá fyrri árum, þótt þær kynnu að leynast einhvers staðar.