Galaxy Fitness-mótið

"Við hittumst aðeins í Árbæjarlauginni til að ræða um mótið og fara yfir greinarnar. Það eru nokkrir nýir að taka þátt í ár og gott er að fara vel yfir brautina með öllum," segir Ívar Guðmundsson, skipuleggjandi Galaxy Fitness-mótsins. Forkeppni mótsins fer fram á morgun, sunnudaginn 7. nóvember. Samanburður er 13. nóvember næstkomandi og úrslitin verða kynnt 14. nóvember í Laugardalshöllinni. "Fyrsta Galaxy Fitness-mótið var haldið árið 1999 og þá vildum við brjóta upp formið á svona sýningum á Íslandi. Við vildum hafa meira "show" og fá sem flesta áhorfendur. Við erum í raun að leita að hinum fullkomna íþróttamanni sem þarf að hafa útlitið, styrkinn og þolið," segir Andrés en auðvitað er hörkuspenna komin í mannskapinn. "Fyrsta sætið í karlaflokki er laust þar sem sigurvegari síðustu ára, Kristján Ásvaldsson, tekur ekki þátt. Hjá konunum er svokallaður drottningaslagur því allar bestu eru með og þrjár þeirra eru Íslandsmeistarar í Fitness." Nánari upplýsingar um mótið er að finna á kraftsport.is.