Besti leikur tímabilsins

"Á því leikur enginn vafi að þetta var okkar besti leikur á tímabillinu," voru orð Carlo Ancelotti, stjóra AC Milan eftir að liðið gekk frá Fiorentina með sex mörkum gegn engu í Seríu A á Ítalíu í gær. Með sigrinum er Milan kyrfilega í öðru sæti, sex stigum á undan næsta liði í þriðja sæti en Juventus er enn á toppnum. Clarence Seedorf og Andrei Shevchenko voru báðir í banastuði og báðir settu tvö mörk en Hernan Crespo gerði eitt ásamt því að einn leikmaður Fiorentina gerði sjálfsmark. Með sigrinum setur Milan pressu á Juventus en gengi þeirra hefur verið með ólíkindum gott þetta tímabilið. Ancelotti segir einmitt að nú séu öll púsl til staðar til að veita þeim almennilega samkeppni. "Við erum betri líkamlega og tæknilega en í fyrra og við munum fylgja Juve eftir alla leið til enda tímabilsins.