Luxemburgo hefur síðasta orðið

Hinn nýi þjálfari Real Madrid, Wanderley Luxemburgo, spilar stóran þátt í framtíð Fernando Morientes hjá liðinu. Fari svo að hann hafi áhuga á að halda Morientes getur Luxemburgo komið í veg fyrir flutning kappans til Liverpool. Gines Carvajal, umboðsmaður Morientes, bjóst við að málið yrði frágengið í næstu viku. "Forseti Real Madrid hefur beðið okkur að hinkra þangað til þjálfarinn hefur gert upp hug sinn. Samningamál eru í biðstöðu en þó nokkur lið hafa sýnt okkur áhuga," sagði Carvajal.