Downs-börn eru oft vanmetin

"Ég sá alveg strax á henni að hún var með heilkennið, daginn eftir kom samt staðfestingin á því. Þetta var auðvitað áfall en ég held að ég hafi verið tiltölulega fljót að jafna mig á þessu, enda er hún afskaplega skemmtilegt barn," segir Lára Magnea Jónsdóttir móðir Glódísar Erlu, sex ára stúlku með Downs-heilkenni. Ítarlegt viðtal viðtal er við Láru í DV í dag þar sem hún ræðir um það hvernig er að eignast og ala upp barn með Downs-heilkenni. Lára segir meðal annars í viðtalinu að hún hafi verið heppin að Glódís var ekki með hjartagalla. "Aftur á móti greindist hún með hvítblæði einu og hálfu ári eftir að hún fæddist og það tók auðvitað mikið á. Þegar við vorum að ganga í gegnum þau veikindi hætti hún í raun að vera fötluð og maður einbeitti sér alfarið að veikindunum, það er auðvitað ekki hægt að berjast við allt í einu og sem betur fer eru veikindin að baki." Meira í DV í dag.