Forysta Barcelona minnkar

Forysta Barcelona í spænsku úrvalsdeildinni í knattspyrnu minnkaði um þrjú stig þegar liðið tapaði óvænt fyrir Atletico Madrid, 2-0, í Madrid í gær. Fernando skoraði fyrsta mark leiksins á fyrstu mínútu leiksins og litu leikmenn Barcelona aldrei til sólar eftir það. Ronaldino fékk gullið tækifæri til að jafna leikinn með vítaspyrnu í fyrri hálfleik en skaut framhjá. Torres innsiglaði sigur Atletico með vítaspyrnu á lokamínútu leiksins. Real Madrid færðist því þremur stigum nær Barcelona en liðið vann Espanyol, 4-0, á laugardaginn.