Owen í byrjunarliðinu á ný

Michael Owen var í byrjunarliði Real Madrid er liðið vann Real Betis í gær. Owen þakkaði pent fyrir sig og skoraði fyrsta mark leiksins sem setti tóninn fyrir Madrid-liðið. Real vann leikinn 3-1 og var Owen hæstánægður eftir leikinn. "Ég var ánægður með að fá að byrja inn á aftur," sagði Owen. "Mér leið vel allan leikinn og var vitaskuld mjög ánægður með að skora mark," bætti Owen við en hann hefur skoraði 9 mörk fyrir Real á leiktíðinni. Owen sagði að gagnrýnisraddir varðandi frammistöðu hans hafi verið áberandi í vetur. "Fólk hefur talað um að ég hef átt góða og slæma mánuði," sagði Owen sem virtist ekki hafa gefið röddunum mikinn gaum. "Það eru aðeins 6 stig milli okkar og Barcelona sem er ekkert. Ef við getum unnið Barcelona þann 10. apríl verður munurinn kominn í þrjú stig." Real hafði tapað tveimur leikjum í röð í deildinni fyrir viðureignina gegn Real Betis.