Forlan virðir United

Framherjinn Diego Forlan segist ekki bera kala til Alex Ferguson eða Manchester United, þó hann hafi lítið fengið að spreyta sig með liðinu þegar hann lék með því á sínum tíma.  Forlan hefur farið á kostum með Villareal í spænska boltanum í ár og er næst markahæstur í deildinni. Forlan náði sér aldrei á strik þegar hann lék á Englandi og segir það aðallega vegna þess að hann hafi einfaldlega ekki fengið næg tækifæri með liðinu.  Hann segist þó virða liðið og fyrrum framkvæmdastjóra og lætur vel af veru sinni hjá félaginu. Hann kann þó betur við sig á Spáni og hefur komið allra framherja mest á óvart í vetur með því að raða inn mörkunum og hefur skorað 17 mörk fyrir hið litla félag.