Ronaldo og Tacchinardi dæmdir

Miðjumaðurinn sterki hjá Juventus, Alessio Tacchinardi, og Ronaldo hjá Real Madrid voru í dag dæmdir í tveggja leikja bann af Uefa fyrir rauðu spjöldin sem þeir fengu í viðureignum liðanna í 16-liða úrslitum Meistaradeildar Evrópu í síðustu viku. Tacchinardi mun missa af báðum leikjum Juventus í 8-liða úrslitunum vegna bannsins, en gegn hverjum það verður kemur í ljós á morgun þegar dregið verður. Bann Ronaldo mun hins vegar ekki taka gildi fyrr en á næsta tímabili þar sem Real Madrid er úr leik í Meistaradeildinni í ár. Leikmennirnir hafa þar til 19. mars til að áfría dómnum.