Ólafur Örn og Hannes meiddir

Ólafur Örn Bjaranson sem leikur með Brann í Noregi og Hannes Þ Sigurðsson sem leikur með Viking í Stavangri verða fjarri góðu gamni vegna meiðsla þegar íslenska landsliðið í knattspyrnu mætir Suður Afríkumönnum á Laugardalsvelli í kvöld klukkan átta. Ólafur Örn er meiddur á hné, en Hannes er tognaður á ökkla. Logi Ólafsson landsliðsþjálfari sagði í samtali við Íþróttadeildina í morgun að liðið sem hefja myndi leikinn á Laugardalsvelli í kvöld yrði ekki tilkynnt fyrr en eftir hádegi. Leikurinn á Laugardalsvelli er annar landsleikur Íslands og Suður Afríku , en liðin gerðu , 1 - 1 , jafntefli í Þýskalandi árið 1998 og komu úrslitin í þeim leik á óvart enda sjö nýliðar í íslenska liðinu á þeim tíma.