Tileinkaði Robson markið

Ruud van Nistelrooy, framherji Manchester United tileinkaði Bobby Robson, fyrrum knattspyrnustjóra hjá PSV Eindhoven og Newcastle markið sem hann skoraði gegn Newcastle í gær í 2-0 sigri rauðu djöflanna. " Ég hitti Robson á hóteli skömmu fyrir leikinn og lofaði honum að ég myndi gera mark fyrir hann." "Hann rifjaði það upp fyrir mér að aðeins fyrir ári síðan hefði hann setið stól knattspyrnustjóra Newcastle. Það var gaman að sjá hann aftur," sagði heiðursmaðurinn Ruud van Nistelrooy en hann kynntist Robson á árum sínum hjá PSV Eindhoven.