Torres orðaður við Arsenal

Breska dagblaðið Daily Mirror greinir frá því í dag að Arsenal sé á höttunum eftir spænska landsliðsmanninum Fernando Torres hjá Atletico Madrid, en talið er að hann myndi kosta enska liðið um 15 milljónir punda. Vitað er af áhuga Barcelona á Thierry Henry, framherja Arsenal, en hann hefur sem kunnugt er ekki viljað framlengja samning sinn við félagið og því er talið að Arsenal sé þegar farið að horfa eftir sóknarmanni til að fylla skarð hans. Í sömu frétt er sagt frá áhuga Real Madrid á að kaupa bakvörðinn Ashley Cole til að taka stöðu Roberto Carlos þegar hann leggur skóna á hilluna.