Við erum langt í frá hættir

Alex McLeish segir að sínir menn séu langt frá því að hafa sagt sitt síðasta orð í Meistaradeildinni eftir að hafa tvisvar komið til baka eftir að hafa lent undir í viðureign sinni gegn Villareal í gær og náð jafntefli 2-2 á heimavelli sínum.

"Við spiluðum ekki góðan fótbolta og vorum í erfiðleikum gegn mjög sterku liði, en það vantaði ekkert upp á baráttu og anda í mitt lið. Við erum sannarlega ekki úr leik í þessari keppni frekar en áður. Staðan er ekki það góð hjá Villareal, því flest lið gætu farið ánægð heim eftir að hafa skoraði tvö mörk á útivelli - en það geta þeir ekki," sagði McLeish.

"Við vorum betri en þeir og hefðum átt að klára dæmið og vinna leikinn í kvöld. Ég hef þó engar áhyggjur, því ég veit að við munum vinna þá á heimavelli," sagði þjálfari Villareal.