Málsvarnarlaun og sakarkostnaður nema á sjötta tug milljóna

Þau málsvarnarlaun og sakarkostnaður sem greiðast úr ríkissjóði vegna sýknudóms í Baugsmálinu sem féll í dag nema vel á sjötta tug milljóna króna. Málsvarnarlaun Gests Jónssonar nema samkvæmt dómnum 15 milljónum króna, laun Einars Þórs Sverrissonar sex milljónum, Kristínar Edwald 7,2 milljónum, Jakobs R. Möller hrl. 4,4 milljónum og Þórunnar Guðmundsdóttur 8,2 milljónum króna. Annar sakarkostnaður, samtals 16.874.295 krónur, greiðist einnig úr ríkissjóði.