Liverpool í góðum málum

Nú er kominn hálfleikur í leikjum kvöldsins í Meistaradeild Evrópu. Peter Crouch (9.) og Luis Garcia (14.) skoruðu mörk Liverpool sem hefur 2-0 yfir gegn Galatasaray á heimavelli sínum í sjónvarpsleiknum á Sýn. Heimamenn hafa ráðið ferðinni lengst af og útlit fyrir að eftirleikurinn verði þeim auðveldur.

Didier Drogba kom Chelsea yfir 1-0 gegn Levski Sofia með marki á 39. mínútu. Valencia hefur yfir 2-1 gegn Roma. Angulo og Villa skoruðu mörk spænska liðsins, en afmælisbarnið Francesco Totti skoraði úr víti fyrir Rómverja - en hann er þrítugur í dag.

Markalaust er hjá Bremen og Barcelona, Inter og Bayern Munchen og Bordeaux og PSV. Staðan í leik Shaktar og Olympiacos er jöfn 1-1 og fyrr í kvöld skildu Spartak Moskva og Sporting Lissabon jöfn 1-1 á gervigrasinu í Moskvu.

Við minnum á að hægt er að sjá öll mörk, skiptingar og spjöld í leikjum kvöldsins um leið og þau gerast á Boltavaktinni hér á íþróttasíðu Vísis.