Markasúpa í Meistaradeildinni

Það var mikið fjör í leikjum kvöldsins í Meistaradeild Evrópu og menn voru sannarlega á skotskónum á flestum vígstöðvum. Alls voru skoruð 25 mörk í leikjunum 8 í kvöld og það voru leikmenn Porto og Real Madrid sem voru iðnastir við kolann.

Real Madrid burstaði Steua 4-1 á útivelli. Ramos, Raul, Robinho og Van Nistelrooy skoruðu fyrir Real, en Badea skoraði mark Steua.

Lyon vann öruggan 3-0 útisigur á Dynamo í Kænugarði með mörkum frá Juninho, Kallström og Malouda.

Celtic lagði Benfica 3-0 með tveimur mörkum frá Miller og einu frá Pearsson.

Manchester United lagði FC Köbenhavn 3-0 með mörkum frá Scholes, O´Shea og Richardson.

Porto vann Hamburg 4-1 með tveimur mörkum frá López, einu frá González og Postiga - Trochowski skoraði mark HSV.

Lille vann AEK 3-1 með mörkum frá Robail, Gygax og Makoun - Ivic skoraði fyrir AEK.

AC Milan lagði Anderlecht 1-0 á útivelli með marki frá Kaká á 58. mínútu, en Milanliðið var manni færra frá 47. mínútu þegar Bonera var vikið af leikvelli.

Fyrr í kvöld vann svo CSKA Moskva góðan sigur á Arsenal 1-0 með marki Daniel Carvalho.