Eiður Smári í byrjunarliðinu

Eiður Smári Guðjohnsen er í byrjunarliði Barcelona sem tekur á móti Chelsea í Meistaradeild Evrópu eftir örfáar mínútur. Leikurinn hefst kl. 19:45 og er í beinni útsendingu á Sýn.

Það er fátt sem kemur á óvart í liði Barcelona en Lionel Messi og Ronaldinho spila við hlið Eiðs Smára í sókn Barca. Jose Mourinho hjá Chelsea hefur kosið að láta sama byrjunarlið og sigraði Barcelona á Brúnni fyrir tveimur vikum byrja í kvöld, að undanskildum Arjen Robben sem kemur inn í liðið fyrir Andrei Shevchenko sem er meiddur. Athygli vekur að á milli stanganna stendur Hilario þrátt fyrir að Carlo Cudicini sé orðinn leikfær. Cudicini byrjar á bekknum.

Byrjunarliðin eru annars þannig skipuð:

Barcelona: Valdés; Zambrotta, Puyol, Marquez, Bronckhorst; Xavi, Motta, Deco; Messi, Eiður Smári, Ronaldinho.

Chelsea: Hilario; Boulahrouz, Carvalho, Terry, Cole; Essien, Makelele, Ballack, Lampard, Robben; Drogba.