Nistelrooy hefur ekkert á móti Ronaldo

Ruud Van Nistelrooy segir að hann hafi ekkert á móti fyrrum félaga sínum Cristiano Ronaldo hjá Manchester United, en langlífar vangaveltur fjölmiðla um að Real ætli sér að kaupa Portúgalann urðu til þess að blaðamenn rifjuðu upp deilur sem komu upp milli þeirra félaga á sínum tíma.

"Ég hef ekkert á móti Ronaldo og ef hann kæmi hingað myndi ég taka vel á móti honum eins og hver annar," sagði Nistelrooy, en margir vildu meina að það hefðu verið deilur hans við Ronaldo sem urðu kveikjan að því að hann fór frá Manchester United á sínum tíma.

"Þetta eru ýkjusögur og lygar úr fjölmiðlum og ef Ronaldo kæmi hingað myndi ég fagna því - hann er frábær leikmaður og er kominn með gríðarlega reynslu þrátt fyrir ungan aldur," sagði Nistelrooy.