Guti: Beckham á að spila

Miðjumaðurinn Guti hjá Real Madrid segir að leikmaður á borð við David Beckham eigi að vera inni á vellinum að spila með liðinu í stað þess að húka uppi í stúku og fullyrðir að hann tali fyrir munn allra leikmanna Real í þessu sambandi.

Beckham hefur ekki verið í liði Real undanfarið og hefur þjálfarinn Fabio Capello búinn að lýsa því yfir að hann ætli sér ekki að nota enska leikmanninn það hálfa ár sem hann á eftir af samningi sínum.

"David er fyrst og fremst vinur minn og hann er frábær leikmaður. hann hefur ákveðið að breyta til á ferli sínum en hann á skilið að fá virðingu frá öllum hjá félaginu. Við viljum allir að hann geri meira en bara að spila með okkur en þessi ákvörðun liggur hjá félaginu en ekki okkur. Við viljum samt að allir leikmenn spili með okkur, sérstaklega jafn mikilvægir menn og David," sagði Guti á blaðamannafundi í Madrid.