Rivaldo á fallegasta mark í sögu Barcelona

Mark Brasilíumannsins Rivaldo gegn Valencia í lokaleik spænsku deildarinnar árið 2001 hefur verið kosið fallegasta og um leið mikilvægasta mark í sögu Barcelona á vefsíðu El Mundo Deportivo. Smelltu á hlekk í fréttinni til að sjá myndband af markinu.

Leikurinn var í meira lagi sögulegur en Barcelona hafði þar 3-2 sigur og tryggði sér fyrir vikið sæti í Meistaradeildinni árið eftir. Rivaldo skoraði öll mörk Katalóníuliðsins í leiknum og sigurmark hans skömmu fyrir leikslok er eitt það glæsilegasta sem sést hefur. Smelltu hér til að sjá myndband af markinu.