Sýknaður af morðákæru

Herdómsstóll í Washington sýknaði í gær bandarískan hermann, Calvin Hill af ákærum um að hafa myrt félaga sinn á varnarsvæðinu, hina tvítugu Ashley Turner, á Miðnesheiði 14. ágúst 2005. Morðið var framið átta dögum áður en Turner átti að bera vitni gegn Hill í þjófnaðarmáli, en honum var þar gefið að sök að hafa stolið af henni bankakorti og tekið út peninga.

Þá hafði Hill ótrygga fjarvistarsönnun og á skóm hans fannst blóð úr Turner. Engu að síður komst dómstóllinn að þeirri niðurstöðu að ekki væru nægar sannanir til sakfellingar.