Eyjólfur Héðinsson skoraði fyrir GAIS í 1-1 jafnteflisleik við Helsingborg í dag í efstu deild Svíþjóðar í dag. Jóhann Guðmundsson var einnig í byrjunarliði GAIS en var skipt út af í seinni hálfleik.
Eyjólfur kom GAIS yfir á 54. mínútu en Babis Stefanidis jafnaði fyrir Helsingborg tíu mínútum síðar. Eyjólfur fékk svo að líta gula spjaldið í uppbótartíma.
GAIS er nú í 9. sæti deildarinnar með 12 stig eftir 10 leiki.
