Spænskur landsliðsmaður fékk hjartaáfall í miðjum leik

Jose Maria del Nido, forseti Sevilla, hefur staðfest að Antonio Puerta, leikmaður liðsins, hafi fengið hjartaáfall í miðjum leik liðsins gegn Getafé í gær. Líðan Puerta er stöðug en hann er þó ennþá undir eftirliti en leikmaðurinn féll niður í eigin teig í leiknum í gær á 35. mínútu leiksins. Spænski landsliðsmaðurinn stóð þó upp og gekk af velli, en þegar í búningsherbegið var komið féll hann aftur niður og var fluttur á sjúkrahús nálægt vellinum.

„Hann fékk hjartaáfall. Hann er undir eftirliti og líðan hans er stöðug," sagði Del Nido. „Við vorum hræddir, mjög hræddir um líf leikmanns okkar."