Birgir úti í kuldanum eins og er

Birgir Leifur Hafþórsson mátti sætta sig við að fá skolla á síðustu holunni sinni í dag og því bendir allt til þess að hann muni ekki komast í gegnum niðurskurðinn en fleiri kylfingar eiga enn eftir að ljúka leik. Birgir kom í hús í dag á einu höggi yfir pari eða samtals á 74 höggum en hann lék á parinu í gær eða á 73 höggum.

Birgir fékk fimm fugla á hringnum, átta pör, fjóra skollla og einn tvöfaldan skolla. Birgir byrjaði vel í dag en hann hóf leik á síðari níu holunum og að þeim loknum var hann á tveimur höggum undir pari. Hann hóf síðari níu holurnar á skolla, svo kom fugl, tvöfaldur skolli, fugl, skolli, fugl, skolli, par og loks skolli. Frekar sveiflukennar síðari níu holurnar hjá Birgi í dag og bendir allt til þess að hann nái ekki í gegnum niðurskurðinn þriðja mótið í röð.

Eins og stendur eru Thomas Levet og Simon Wakefield efstir í mótinu á níu höggum undir pari.

Kylfingur.is