Shevchenko varar Ítali við

Sóknarmaðurinn Andriy Shevchenko segir að ítalska landsliðið geti búist við erfiðum leik á miðvikudag gegn Úkraínu. Þrátt fyrir að Shevchenko sé úti í kuldanum hjá Chelsea þáspilar hann með úkraínska landsliðinu.

Ítalía þarf nauðsynlega á sigri að halda í leiknum í baráttu sinni fyrir sæti í lokakeppni Evrópumótsins 2008. Liðið er sem stendur í þriðja sæti í sínum riðli í undankeppninni en tvö efstu liðin munu komast áfram.

„Ég get lofað ykkur því að við munum berjast af hörku, baráttan er okkar helsti styrkur. Við munum leggja okkur 200% fram. Ekkert annað en sigur kemur til greina fyrir okkur," sagði Shevchenko.