Sigurður bestur í Stokkhólmi

Svenska Dagbladet útnefnir Sigurð Jónsson og aðstoðarmann hans hjá Djurgården, Paul Lindholm, þjálfara ársins í Stokkhólmi.

Sigurður kom þó ekki til greina í vali sænska knattspyrnusambandsins sem þjálfari ársins.

Í grein blaðsins er rætt við Mattias Jonson, leikmann Djurgården, sem segir að líkja megi þeim tveimur við „good cop - bad cop“.

„Þeir eru mjög ólíkir og hafa mjög mismunandi stjórnunarstíl. Það er mikill eldmóður í Sigga og það er svolítið enskur stíll á honum. En hann er mjög þægilegur og hugsar vel um leikmennina,“ segir Jonson um Sigurð.