Keflvíkingar með örugga forystu

Keflavík hefur yfir 58-42 gegn Stjörnunni þegar flautað hefur verið til hálfleiks í viðureign liðanna í Iceland Express deild karla á Ásvöllum. Keflvíkingar höfðu yfir 32-18 eftir fyrsta leikhlutann en heimamenn náðu að minnka muninn í 10 stig snemma í öðrum leikhluta.

Gestirnir tóku hinsvegar öll völd á vellinum á lokaspretti fyrr hálfleiksins og hafa 16 stiga forystu í hálfleik. Það er ekki síst að þakka stórleik B.A. Walker sem hefur verið gjörsamlega óstöðvandi og er kominn með 27 stig - þar af 20 í fyrsta leikhlutanum. Gunnar Einarsson kemur næstur hjá Keflavík með 9 stig og Tommy Johnson er með 8 stig. Hjá heimamönnum er Dimitar Karadzovski kominn með 15 stig og Kjartan Kjartansson 9.