Singh sigraði á móti Tiger Woods

Óhætt er að segja að kylfingurinn Vijay Singh hafi enda árið með glæsibrag þegar hann sigraði á Tiger Woods boðsmótinu í golfi sem lauk í Kaliforníu í gærkvöldi.

Mótið var liður í PGA mótaröðinni en Singh lék hringina fjóra á 11 höggum undir pari, einu höggi færra en Steve Stricker sem hafnaði í öðru sæti.

Singh fékk 164 milljónir króna fyrir sigurinn en þetta var fyrsta mótið sem hann tekur þátt í síðan hann tryggði sér Fedex bikarinn fyrir þremur mánuðum sem tryggði honum einn komma tvo milljarða króna.