Zenit náði jafntefli í Þýskalandi

Í kvöld fóru fram fyrri leikirnir í undanúrslitum Evrópukeppni félagsliða, UEFA-bikarnum. Zenit St. Pétursborg gerði góða ferð til Þýskalands og náði útivallarmarki gegn Bayern München.

Leikur Bayern og Zenit endaði 1-1. Franck Ribery kom Bayern yfir, hann tók vítaspyrnu sem var varin en náði sjálfur að fylgja á eftir og skora. Lucio skoraði síðan sjálfsmark á 60. mínútu og urðu lokatölurnar 1-1.

Þá gerðu Glasgow Rangers og Fiorentina markalaust jafntefli í hinni undanúrslitaviðureigninni. Seinni leikirnir verða eftir viku, 1. maí.