Pirlo meiddur

Leiktíðin hefur ekki byrjað glæsilega hjá ítalska stórveldinu AC Milan og í morgun bárust slæm tíðindi úr herbúðum liðsins. Miðjumaðurinn Andrea Pirlo meiddist á læri og mun væntanlega missa af leik liðsins í Evrópukeppninni á fimmtudag.

Á heimasíðu Milan segir að Pirlo verði skoðaður betur á föstudagsmorgun, en fréttir á Ítalíu herma að Pirlo gæti misst úr nokkrar vikur. Þegar var ljóst að Gennaro Gattuso gæti ekki spilað á fimmtudaginn vegna meiðsla og því verður fátt um fína drætti á miðjunni hjá Milan.