Valur með fullt hús

Íslandsmeistarar Vals höfðu betur 2-1 gegn KR í stórleik kvöldsins í Landsbankadeild kvenna. Valsliðið er því eina liðið með fullt hús á toppi deildarinnar eftir leiki dagsins.

Það voru Margrét Lára Viðarsdóttir og Dóra María Lárusdóttir sem skoruðu mörk Vals í kvöld en Hólmfríður Magnúsdóttir hafði áður komið KR yfir í leiknum. Nánari umfjöllun um leikin kemur hér á Vísi í fyrramálið.

Stjörnustúlkur lögðu svo Breiðablik 2-1. Gunnhildur Yrsa Jónsdóttir (47.) og Pamela Liddell (66.) skoruðu mörk Stjörnunnar en Greta Mjöll Samúelsdóttir (71.) skoraði mark Blika.

Valur hefur 18 stig á toppnum og hefur unnið alla sex leiki sína. KR er í öðru sæti með 15 stig og Stjarnan hefur 11 stig í þriðja sætinu.