Birgir Leifur: Besti hringur árins

Birgir Leifur Hafþórsson var léttur í lund þegar Vísir ræddi við hann eftir frábæran þriðja hring á Estoril meistaramótinu í Portúgal fyrir stundu. Birgir Leifur lék á fimm höggum undri pari og er í 12. sæti sem stendur.

"Þetta gekk mjög vel og óhætt að segja að þetta sé besti hringur ársins hjá mér. ég sló vel, hitti fleiri brautir en fyrstu tvo dagana og í raun má segja að þetta hafi verið mjög þægilegur hringur," segir Birgir Leifur.

Hann er þó ekki farinn að eygja verðlaunasæti enn. "Við skulum ekki missa okkur. Allir þessir bestu eiga eftir að fara út í dag. Það eru fínar aðstæður hérna og ég ætla bara að halda mínu striki."