Robben frá í sex vikur

Arjen Robben verður frá að minnsta kosti næstu sex vikurnar eftir að hann tognaði á lærvöðva í leik Real Madrid og Juventus í Meistaradeild Evrópu í gær.

Þetta er einn eitt áfallið fyrir Robben sem hefur verið mikið frá vegna meiðsla síðan hann gekk til Real Madrid frá Chelsea á sínum tíma.

Læknar Real Madrid munu hafa mælt með því að hann spili ekki aftur fyrir jól og jafnvel ekki fyrr en á nýju ári.

Þá eru Sergio Ramos og Pepe tæpir fyrir leik Real Madrid gegn Malaga um helgina en Pepe missti af leiknum í gær vegna meiðsla.