Ballack meiddur á kálfa

Fyrirliðinn Michael Ballack æfði ekki með þýska landsliðinu í kvöld vegna minniháttar meiðsla í kálfa. Óvíst er hvort hann geti leikið með gegn Wales á miðvikudaginn.

Ballack skoraði síðara mark Þýskalands í 2-1 sigrinum á Rússlandi á laugardag. Þýskaland trjónir á toppi síns riðils í undankeppni HM.

Meðan liðsfélagar hans æfðu í kvöld þá var Ballack sjálfur á hóteli liðsins undir meðhöndlun læknis. Þýska knattspyrnusambandið vill ekkert gefa út um það hvort Ballack verði leikfær á miðvikudag.