Werder Bremen og Shaktar mætast í úrslitum UEFA-bikarsins

Það verða Werder Bremen og Shaktar Donetsk sem mætast í úrslitum UEFA-bikarsins þetta árið. Síðari leikirnir í undanúrslitunum fóru fram í dag.

Bremen lagði landa sína í HSV, 2-3, á útivelli en HSV hafði unnið fyrri leikinn, 0-1. Bremen fer því áfram á mörkum skoruðum á útivelli.

Diego, Claudio Pizarro og Frank Baumann skoruðu mörk Bremen en Ivica Olic gerði bæði mörk HSV.

Shaktar lagði fyrr í dag Dynami Kiev, 2-1, og fór áfram 3-2 samanlagt.

Jadson og Junior Ilsinho skoruðu mörk Shaktar en Ismael Bangoura skoraði mark Kiev.