Viðskipti erlent

Breskt fjármálafólk íhugar flótta undan sköttum til Sviss

Breskt fjármálafólk með miklar tekjur íhugar nú í töluverðum mæli að flýja til Sviss undan háum tekjusköttum breska Verkamannaflokksins. Sem kunnugt er hækkaði stjórn Gordon Brown nýlega tekjurskattinn úr 40% og í 50% á allar tekjur sem eru yfir 150.000 pundum á ári.

Í frétt um málið á börsen.dk segir að Alpalandið Sviss lokki nú auðuga Breta til sín sem aldrei fyrr enda eru skattar einstaklinga þar á bilinu 10% til 20%.

Svissneska fasteignafélagið Savills heldur fund með yfir 100 breskum fjármálamönnum á morgun þar sem íbúðakaup í Genf eru til umræðu. Verið á lúxusíbúðum þar eru um 20% lægri en í London.

Þetta er annað árið í röð sem Savills heldur slíkan fund og svipað og í fyrra er yfirbókað á hann þrátt fyrir að nú hafi verið gert ráð fyrir plássi undir helmingi fleiri en í fyrra.

Bresk fjármálafyrirtæki hafa í nokkrum mæli flutt heimilisföng sín til Sviss en það er töluvert flóknara fyrir einstaklinga að gera slíkt. Fundur Savills gengur einmitt út á að leiðbeina fólki við að komast í gegnum hinar flóknu svissnesku reglur sem gilda um íbúðakaup og búsetu erlends fólks þar í landi.





Mest lesið


Fleiri fréttir

Sjá meira


×

Mest lesið