Stuttermabolur með þremur úlfum sá mest seldi á Amazon

Söluauknin á stuttermabol með þremur úlfum, Three Wolf Moon, á vefsíðunni amazon.com jarðar við geðveiki að sögn BBC. Söluaukningin í maí er 2.300% og er þetta mesta selda varan í sínum flokki á vefsíðunni.

Samkvæmt BBC hófst þetta söluævintýri með skemmtilegri færslu frá einum af kaupendum bolsins. "Þetta passar við líkama minn, er með úlfum og laðar að kvennfólk en maður sér ekki úlfana ef hendurnar eru krosslagðar."

Þessi færsla var skrifuð í nóvember s.l. og síðan gerðist ekki mikið fyrr en í þessum mánuði að færslurnar hlóðust inn á amazon.com.

"Þegar ég fór í bolinn í fyrsta sinn yfirgaf konan mig. Þakka þér fyrir það Three Wolf," segir í einni færslunni.

Annar ánægður viðskiptavinur þakkar bolnum fyrir að hafa bjargað heimsókn til tengdaforeldra sinna. "Þegar við settumst niður skrifaði faðir hennar ávísun upp á 100.000 dollara handa mér. Og bráðhugguleg móðirin strauk mér um lærið á þægilegan hátt."

Og þriðji viðskiptavinurinn segir að hann hafi upplýst sjö innbort í heimabæ sínum fyrir tilverknað stuttermabolsins.