Valsmenn búnir að vera yfir í 90 prósent af leikjunum tveimur

Haukar og Valur leika í kvöld þriðja leik sinn í úrslitaeinvígi N1 deildar karla í handbolta en staðan er 1-1 í einvíginu eftir 22-20 sigur Valsmanna í síðasta leik í Vodafone-höllinni. Haukar hafa verið undir í 90 prósent af einvíginu til þessa en standa samt jafnfætis Valsmönnum fyrir leikinn í kvöld. Þriðji leikurinn hefst klukkan 19.30 á Ásvöllum í kvöld.

Valsmenn voru yfir allan síðasta leik fyrir utan fyrstu tæpu 2 mínúturnar þegar staðan var 0-0 og í fyrsta leiknum voru Haukar aðeins yfir í upphafi leiks (3 mínútur og 40 sekúndur á fyrstu fimm mínútunum) og svo sex síðustu sekúndur leiksins eftir að Björgvin Þór Hólmgeirsson hafði skorað sigurmarkið í leiknum.

Valsmenn hafa alls verið yfir í 108 af 120 mínútunum sem hafa verið spilaðar í einvíginu þar af hafa þeir verið með tveggja marka forskot eða meira í 91 mínútur og 11 sekúndur.

Hverjir hafa verið með forustuna í úrslitaeinvíginu?

Fyrsti leikur: (Haukar unnu 23-22)

Haukar yfir: 3 mínútur og 46 sekúndur

Jafnt: 6 mínútur og 18 sekúndur

Valur yfir: 49 mínútur og 56 sekúndur

Annar leikur: (Valsmenn unnu 22-20)

Valur yfir: 58 mínútur og 5 sekúndur

Jafnt: 1 mínúta og 55 sekúndur

Haukar yfir: 0 mínútur og 0 sekúndur

Samtals: (Staðan í einvíginu er 1-1)

Haukar yfir: 3 mínútur og 46 sekúndur (3 prósent)

Jafnt: 8 mínútur og 13 sekúndur (7 prósent)

Valur yfir: 108 mínútur og 1 sekúnda (90 prósent)