Beckenbauer segir að Bayern vinni varla titilinn úr þessu

Franz Beckenbauer, heiðursforseti Bayern, hefur nánast gefið upp alla von að lið hans Bayern Munchen verji meistaratitilinn í Þýskalandi á þessu tímabili. Bayern er þrettán stigum eftir toppliði Mainz og er aðeins í 12. sæti eftir fyrstu sjö umferðirnar.

„Bayern vinnur varla titilinn úr þessu," sagði Franz Beckenbauer í viðtali við Sport-Bild og hann varaði stuðningsmenn Bayern við því að liðið gæti dregist enn frekar aftur úr áður en deildin fer í vetrarfrí.

Beckenbauer er ekki ánægður með leikstíl liðsins undir stjórn Louis van Gaal en Bayern hefur verið mikið með boltann í þessum fyrstu sjö leikjum en lítið gengið að opna þétta varnir andstæðinganna.

Bayern hefur aðeins skorað fimm mörk í fyrstu sjö leikjunum sem er það langminnsta hjá öllum 18 liðum deildarinnar. Stuttgart sem rak þjálfara sinn í morgun og situr í fallsæti er sem dæmi búið að skora 12 mörk í þessu fyrstu sjö umferðum eða sjö mörkum meira en Bayern-menn.