Íslandsmót í einstakri náttúrufegurð Henry Birgir Gunnarsson skrifar 22. júlí 2010 08:30 Undirritaður og Hlynur, vallarmet í höfn. Stefán Garðarsson Mánudaginn síðasta hélt Golfsamband Íslands, GSÍ, svokallað Pro/Am-golfmót en þar fá „venjulegir" kylfingar tækifæri til þess að spila með þeim bestu á sjálfum Íslandsmótsvellinum. Undirritaður fékk sér bíltúr í sumarbústaðalandið góða í Grímsnesi og lék hringinn ásamt afrekskylfingnum Hlyni Geir Hjartarsyni og bræðrunum Þorsteini og Daða Guðjónssonum frá Úrvali Útsýn. Aðstæður í Kiðjabergi voru stórkostlegar. Völlurinn í frábæru standi, náttúrufegurðin mögnuð og hitastig yfir 20 gráður. Þetta verða reyndar ekki þær aðstæður sem kylfingar munu þurfa að glíma við um helgina enda blíðunni að ljúka á Suðurlandi og mega kylfingar búast við rigningu og einhverjum vindi. „Það er nú ekki veðrið sem ég var að vonast eftir," sagði Hlynur Geir sem er frá Selfossi en leikur fyrir Golfklúbbinn Keili í Hafnarfirði. Hlynur hefur verið duglegur að spila í Kiðjabergi í sumar enda stutt að fara frá Selfossi. Hann er búinn að kortleggja völlinn í bak og fyrir og mætir vel undirbúinn til leiks. Hann er með sigurstranglegri mönnum enda leikið afar vel í sumar og er efstur á Eimskipsmótaröðinni. Það var létt yfir hollinu okkar og allir í góðu skapi að gantast. Hlynur þó ívið alvarlegri en hinir enda að æfa sig fyrir mót ársins. Það vakti athygli undirritaðs að Hlynur límdi einhvers konar teip á pútterinn sinn áður en við lögðum af stað. „Ég þarf að þyngja hann. Ég lét stytta hann og því fór smá þyngd úr honum," sagði Hlynur en blaðamaður svaraði því til að hann hefði betur sleppt þessu veseni og keypt sér barnapútter. Það hæfði betur mönnum í hans hæðarflokki. Hlynur tók því skoti vel. Hlynur er sjálfur mikill húmoristi og kann að svara fyrir sig. Það fékk blaðamaður að reyna er hann ætlaði að taka upp pútterinn á 2. flöt og pútterinn var hvergi sjáanlegur. Ég trúði því hreinlega ekki að ég hefði gleymt honum á 1. flötinni. Var ekki hálfur að nenna því að keyra til baka, flækjast fyrir hollinu á eftir og hægja á allri umferð. Ég leitaði og leitaði í pokanum líkt og ég væri blindur. Ég var orðinn örvæntingarfullur er Hlynur sagði mér að taka húfuna af þrjú trénu mínu. Ég öskraði á hann að ég væri ekki svo mikið fífl að setja pútterinn þar undir. Var ekki að kveikja á neinu. Hann sagði mér samt að gera það og eftir nokkrar fortölur lét ég tilleiðast og viti menn. Þar var hann falinn. „Ég var að spá í að láta þig keyra alla leið til baka. Það hefði verið fyndið," sagði Hlynur með skítaglott á andlitinu á meðan undirritaður íhugaði að kasta pútternum í hann. Þorsteinn og Daði hreinlega táruðust af hlátri. Ég viðurkenni það að ég var tekinn þarna. Þetta var vont. Það er magnað að fylgjast með okkar bestu kylfingum spila golf. Þetta er nánast önnur íþrótt. Á meðan meðalmaðurinn berst við að komast upp að flöt slær Hlynur um 300 metra upphafshögg sem lenda öll inni á braut. Þetta gerir hann eins og að drekka vatn. Golf er ótrúlega einföld íþrótt er maður horfir á þá bestu spila. Erfiðustu brautir vallarins að mati Hlyns eru 2. og 15. brautin. „Hér ráðast Íslandsmót, drengir," sagði Hlynur áður en minni spámennirnir tóku upphafshögg á 15. brautinni. Afar uppörvandi eða hitt þó heldur. Afrekskylfingurinn tók allt hollið á taugum enda slógum við allir út fyrir braut og langleiðina að Hvítá. Fimmtánda brautin er ákaflega erfið og Hlynur gæti reynst sannspár þarna. Brautin er mjög þröng og þeir sem fara út fyrir eru í afar vondum málum. Þarf vart að taka fram að Hlynur var að sjálfsögðu á braut ólíkt okkur hinum. Hringurinn var æði skrautlegur hjá okkur áhugamönnunum og sem betur fer þurfti ekki að skila inn skorkorti heldur giltu tvö bestu skorin á hverja holu. Hlynur lék aftur á móti eins og engill og skilaði skori upp á 72 högg sem er nýtt vallarmet. Verður áhugavert að sjá hvort hann fylgir því eftir næstu daga en búast má við honum í harðri toppbaráttu ásamt mörgum öðrum enda eigum við Íslendingar orðið marga góða kylfinga. Golf Mest lesið Kynlífsleikfangi hent inn á völlinn í miðjum leik Körfubolti „Ætlum að fara þarna og sækja þennan bikar“ Íslenski boltinn Uppbótartíminn: Hvernig lið er Stjarnan? Íslenski boltinn Dagskráin í dag: Ómögulegt verkefni Breiðabliks og ensk úrvalsdeildarlið Sport Uppgjörið: Valur - FH 2-3 | Hafnfirðingar í úrslit í fyrsta sinn Íslenski boltinn Ákvörðunin að reka Horner að mestu vegna slaks árangurs Formúla 1 Trafford segist hundrað sinnum betri í dag Enski boltinn „Erum að einblína á það sem er að gerast á vellinum“ Körfubolti Þjálfarinn Wiegman stal senunni í fagnaðarlátum enska liðsins Fótbolti Njarðvík á toppinn Íslenski boltinn Fleiri fréttir Siggi Raggi for holu í höggi á vellinum þar sem Íslandsmótið fer fram Donald Trump sást svindla á golfvellinum Viðurkennir að prumpið sem heyrðist um allan heim sé hans Kylfusveinninn græðir meiri pening en meðalkylfingurinn á PGA Brást bogalistin fyrir framan pabba sinn Mætti með bikarinn á frumsýningu Happy Gilmore Líkja yfirburðum Schefflers við Tiger upp á sitt besta Vallarmet féllu á frábærum Korpubikar „Heppinn að fá að lifa drauminn“ Scheffler tryggði sér sinn fjórða risatitil Íslenskur dómari í næst síðasta ráshópnum á The Open Scheffler með örugga forystu fyrir lokadaginn Hvítskeggjaði kylfusveinninn stal senunni á Opna breska Vélmennið leiðir Opna breska Reyndi allt til að koma kúlunni niður Veiðimaðurinn leiðir á Opna breska Tvíburar jafnir eftir fyrsta dag á Opna breska Munkur slær í gegn á Opna breska Fimm jafnir á toppnum eftir fyrsta hring „Það hafa allir runnið í gegnum þessa lokunarpósta án vandræða“ Dani og Kínverji leiða á Opna breska Endurnýja kynnin: „Stórar skoðanir en ekki endilega góðar skoðanir“ Dæmdur ofbeldismaður keppir á Opna breska í ár Grænt ljós á golfmótið þrátt fyrir gos Vilja hefja golfmótið á morgun: „Látum þetta ekki á okkur fá“ Hefur ekki hugmynd hvar Ólympíugullið hans er niðurkomið Meistaramót Golfklúbbs Grindavíkur átti að byrja í dag: „Við hinkrum aðeins“ Sá besti í heimi opnar sig: Þetta er ekki fullnægjandi líf Segist hafa farið 47 sinnum holu í höggi á ferlinum „Nýtti reynsluna úr vindinum heima til að halda þolinmæði“ Sjá meira
Mánudaginn síðasta hélt Golfsamband Íslands, GSÍ, svokallað Pro/Am-golfmót en þar fá „venjulegir" kylfingar tækifæri til þess að spila með þeim bestu á sjálfum Íslandsmótsvellinum. Undirritaður fékk sér bíltúr í sumarbústaðalandið góða í Grímsnesi og lék hringinn ásamt afrekskylfingnum Hlyni Geir Hjartarsyni og bræðrunum Þorsteini og Daða Guðjónssonum frá Úrvali Útsýn. Aðstæður í Kiðjabergi voru stórkostlegar. Völlurinn í frábæru standi, náttúrufegurðin mögnuð og hitastig yfir 20 gráður. Þetta verða reyndar ekki þær aðstæður sem kylfingar munu þurfa að glíma við um helgina enda blíðunni að ljúka á Suðurlandi og mega kylfingar búast við rigningu og einhverjum vindi. „Það er nú ekki veðrið sem ég var að vonast eftir," sagði Hlynur Geir sem er frá Selfossi en leikur fyrir Golfklúbbinn Keili í Hafnarfirði. Hlynur hefur verið duglegur að spila í Kiðjabergi í sumar enda stutt að fara frá Selfossi. Hann er búinn að kortleggja völlinn í bak og fyrir og mætir vel undirbúinn til leiks. Hann er með sigurstranglegri mönnum enda leikið afar vel í sumar og er efstur á Eimskipsmótaröðinni. Það var létt yfir hollinu okkar og allir í góðu skapi að gantast. Hlynur þó ívið alvarlegri en hinir enda að æfa sig fyrir mót ársins. Það vakti athygli undirritaðs að Hlynur límdi einhvers konar teip á pútterinn sinn áður en við lögðum af stað. „Ég þarf að þyngja hann. Ég lét stytta hann og því fór smá þyngd úr honum," sagði Hlynur en blaðamaður svaraði því til að hann hefði betur sleppt þessu veseni og keypt sér barnapútter. Það hæfði betur mönnum í hans hæðarflokki. Hlynur tók því skoti vel. Hlynur er sjálfur mikill húmoristi og kann að svara fyrir sig. Það fékk blaðamaður að reyna er hann ætlaði að taka upp pútterinn á 2. flöt og pútterinn var hvergi sjáanlegur. Ég trúði því hreinlega ekki að ég hefði gleymt honum á 1. flötinni. Var ekki hálfur að nenna því að keyra til baka, flækjast fyrir hollinu á eftir og hægja á allri umferð. Ég leitaði og leitaði í pokanum líkt og ég væri blindur. Ég var orðinn örvæntingarfullur er Hlynur sagði mér að taka húfuna af þrjú trénu mínu. Ég öskraði á hann að ég væri ekki svo mikið fífl að setja pútterinn þar undir. Var ekki að kveikja á neinu. Hann sagði mér samt að gera það og eftir nokkrar fortölur lét ég tilleiðast og viti menn. Þar var hann falinn. „Ég var að spá í að láta þig keyra alla leið til baka. Það hefði verið fyndið," sagði Hlynur með skítaglott á andlitinu á meðan undirritaður íhugaði að kasta pútternum í hann. Þorsteinn og Daði hreinlega táruðust af hlátri. Ég viðurkenni það að ég var tekinn þarna. Þetta var vont. Það er magnað að fylgjast með okkar bestu kylfingum spila golf. Þetta er nánast önnur íþrótt. Á meðan meðalmaðurinn berst við að komast upp að flöt slær Hlynur um 300 metra upphafshögg sem lenda öll inni á braut. Þetta gerir hann eins og að drekka vatn. Golf er ótrúlega einföld íþrótt er maður horfir á þá bestu spila. Erfiðustu brautir vallarins að mati Hlyns eru 2. og 15. brautin. „Hér ráðast Íslandsmót, drengir," sagði Hlynur áður en minni spámennirnir tóku upphafshögg á 15. brautinni. Afar uppörvandi eða hitt þó heldur. Afrekskylfingurinn tók allt hollið á taugum enda slógum við allir út fyrir braut og langleiðina að Hvítá. Fimmtánda brautin er ákaflega erfið og Hlynur gæti reynst sannspár þarna. Brautin er mjög þröng og þeir sem fara út fyrir eru í afar vondum málum. Þarf vart að taka fram að Hlynur var að sjálfsögðu á braut ólíkt okkur hinum. Hringurinn var æði skrautlegur hjá okkur áhugamönnunum og sem betur fer þurfti ekki að skila inn skorkorti heldur giltu tvö bestu skorin á hverja holu. Hlynur lék aftur á móti eins og engill og skilaði skori upp á 72 högg sem er nýtt vallarmet. Verður áhugavert að sjá hvort hann fylgir því eftir næstu daga en búast má við honum í harðri toppbaráttu ásamt mörgum öðrum enda eigum við Íslendingar orðið marga góða kylfinga.
Golf Mest lesið Kynlífsleikfangi hent inn á völlinn í miðjum leik Körfubolti „Ætlum að fara þarna og sækja þennan bikar“ Íslenski boltinn Uppbótartíminn: Hvernig lið er Stjarnan? Íslenski boltinn Dagskráin í dag: Ómögulegt verkefni Breiðabliks og ensk úrvalsdeildarlið Sport Uppgjörið: Valur - FH 2-3 | Hafnfirðingar í úrslit í fyrsta sinn Íslenski boltinn Ákvörðunin að reka Horner að mestu vegna slaks árangurs Formúla 1 Trafford segist hundrað sinnum betri í dag Enski boltinn „Erum að einblína á það sem er að gerast á vellinum“ Körfubolti Þjálfarinn Wiegman stal senunni í fagnaðarlátum enska liðsins Fótbolti Njarðvík á toppinn Íslenski boltinn Fleiri fréttir Siggi Raggi for holu í höggi á vellinum þar sem Íslandsmótið fer fram Donald Trump sást svindla á golfvellinum Viðurkennir að prumpið sem heyrðist um allan heim sé hans Kylfusveinninn græðir meiri pening en meðalkylfingurinn á PGA Brást bogalistin fyrir framan pabba sinn Mætti með bikarinn á frumsýningu Happy Gilmore Líkja yfirburðum Schefflers við Tiger upp á sitt besta Vallarmet féllu á frábærum Korpubikar „Heppinn að fá að lifa drauminn“ Scheffler tryggði sér sinn fjórða risatitil Íslenskur dómari í næst síðasta ráshópnum á The Open Scheffler með örugga forystu fyrir lokadaginn Hvítskeggjaði kylfusveinninn stal senunni á Opna breska Vélmennið leiðir Opna breska Reyndi allt til að koma kúlunni niður Veiðimaðurinn leiðir á Opna breska Tvíburar jafnir eftir fyrsta dag á Opna breska Munkur slær í gegn á Opna breska Fimm jafnir á toppnum eftir fyrsta hring „Það hafa allir runnið í gegnum þessa lokunarpósta án vandræða“ Dani og Kínverji leiða á Opna breska Endurnýja kynnin: „Stórar skoðanir en ekki endilega góðar skoðanir“ Dæmdur ofbeldismaður keppir á Opna breska í ár Grænt ljós á golfmótið þrátt fyrir gos Vilja hefja golfmótið á morgun: „Látum þetta ekki á okkur fá“ Hefur ekki hugmynd hvar Ólympíugullið hans er niðurkomið Meistaramót Golfklúbbs Grindavíkur átti að byrja í dag: „Við hinkrum aðeins“ Sá besti í heimi opnar sig: Þetta er ekki fullnægjandi líf Segist hafa farið 47 sinnum holu í höggi á ferlinum „Nýtti reynsluna úr vindinum heima til að halda þolinmæði“ Sjá meira